Dy adoleshentë, 16 dhe 18 vjeç janë arrestuar në Tiranë, pasi kanë terrorizuar lagjen me armë zjarri. Policia thotë se 16-vjeçari M.K., dhe 18-vjeçari E.K., qarkullonin të armatosur në Kamzë dhe qëllonin në ajër gjatë natës. Ata ishin kthyer në shqetësim për banorët, të cilët njoftuan më pas policinë.
Gjatë aksionit për kapjen e tyre, të rinjtë u arrestuan në flagrancë, duke qarkulluar të armatosur me pushkë me 20 fishekë. Ndërsa gjatë kontrollit në banesën e 18-vjeçarit, u sekuestrua edhe një pistoletë. Sipas policisë,16-vjeçari M.K. është person me precedent të mëparshëm penal, edhe pse në një moshë të vogël.
Ai ka qenë i arrestuar dhe i proceduar disa herë për vjedhje, armëmbajtje pa leje dhe dhunë në familje. Dy adoleshentët tashmë akuzohen për armëmbajtje pa leje dhe prishje e qetësisë publike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.