Kalifornia është lëkundur sërish nga një tërmet akoma dhe më i fuqishëm. Pas tërmetit, 6.4 ballë të shkallës Rihter që tronditi dje bregun perëndimor të Kaliforninë, ky i sotmi ishte akoma edhe më i fortë. Edhe kjo lëkundje e dytë është regjistruar në të njëjtën zonë, ku ndodhi dhe tërmeti i parë.
Lokaliteti Ridgecrest është totalisht i rrënuar nga këto dy goditje të njëpasnjëshme dhe mediet amerikane raportojnë për shkatërrim të rrugëve dhe të ujësjellësve.
Ky tërmet i mëngjesit të kësaj të shtunë raportohet të jetë më i forti i 20 viteve të fundit në Kaliforni. Deri më tani nuk ka raportime për viktima, për faktin se zona e prekur më fortë nga tërmeti, kryesisht është e pabanuar dhe në disa pjesë është edhe shkretëtirë.
CNN raporton se tërmeti ka qenë aq i fortë, saqë është ndjerë deri në Meksikë. Por lëkundjet i kanë ndjerë edhe disa rajone të tjera në SHBA, ku më fortë është prekur Las Vegas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.