.png)
Jeta e këngëtares Christina Aguilera do të shndërrohet në dokumentar që do të përshkruajë jetën dhe karrierën e saj që nga fëmijëria si interpretuese e Disney-t deri në ngjitjen e saj në muzikë.
Mediat e huaja raportojnë se këngëtarja e hiteve si Genie in a Bottle, What a Girl Wants dhe Beautiful ka 18 muajt që xhiron, pasi kamerat e kanë ndjekur Aguilerën gjatë udhëtimeve dhe shfaqjeve të saj të fundit.
“Christina Aguilera është një nga artistet më ikonike, muzika e së cilës ka frymëzuar miliona njerëz në mbarë botën,” thotë Ting Poo, regjisorja e dokumentarit.
Poo fitoi vëmendje të madhe në fushën e kinematografisë në vitin 2021 për dokumentarin e saj “Val”, i cili u shfaq premierë në Kanë. Val është një dokumentar për jetën e aktorit Val Kilmer dhe betejën e tij me kancerin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
