.png)
Jamballi do të ishte kura e re për Covid-19, sipas presidentit të Turkmenistanit, një vend i Azisë Qendrore që pretendon të mos jetë prekur nga pandemia.
"Shkencëtarët në të gjithë botën po hulumtojnë mjete të efektshme për koronavirusin dhe njëri prej tyre mund të jetë rrënja e jamballit," tha Gurbanguly Berdmuhamedow.
Pa pasur ndonjë provë shkencore për të mbështetur pretendimet e tij, Berdmuhamedow argumenton se "jamballi parandalon zhvillimin e koronavirusit" dhe se "edhe një përqendrim i ulët i një ekstrakti të jamballit ka një efekt neutralizues".
Meqenëse Turkmenistani ka rezerva të mjaftueshme të bimës, presidenti ka udhëzuar Akademinë Kombëtare të Shkencave të kryejë studime mbi efektet e pretenduara të dobishme të kësaj bime aromatike.
Por çfarë është Jamballi?
Jamballi, ose siç edhe njihet ndryshe si Likuiricia, është një bimë bishtajore në formën e shkurres. Ka një kërcell të gjatë, me lule të mbledhura dhe rrënjë të fuqishme të drunjta.
Emri shkencor i jamballit është Glycyrrhiza dhe ka origjinën nga Greqishtja e lashtë. “Glukos” do të thotë “e ëmbël” ndërsa “riza” do të thotë “rrënjë.”
Mjekësia popullore Aziatike e përdor rrënjën e jamballit për të larguar irritimet e mukusit dhe luftuar inflamacionin. Kjo bimë gjendet edhe në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
