.png)
Yevgeny Prigozhin mendohet të jetë në mesin e 10 personave që ndodheshin në bordin e avionit të tij privat, kur Embraer Legacy 600 u rrëzua në rrethinat e Moskës pasi ishte nisur nga aeroporti Sheremetyevo.
Duke qenë se Ministria e Emergjencave të Rusisë konfirmon se nuk ka asnjë të mbijetuar nga rrëzimi i avionit, pritet vetëm konfirmimi i gjetjes së trupit të shefit të mercenarëve të Wagner.
E teksa avioni me Prigozhinin në bord rrëzohej në afërsi të Moskës, të gjithë pyesnin veten se ku mund të ndodhej Vladimir Putin.
⚡️While all this is happening, Putin appeared in person the stage in Kursk on the occasion of the 80th anniversary of the victory in the Battle of Kursk. pic.twitter.com/LOcDIuoLzb
— War Monitor (@WarMonitors) August 23, 2023
Shefi i Kremlinit sipas raportimeve ka qenë duke shijuar performanca të muzikës klasike në një koncert që zhvillohet për të festuar fitoren e sovjetikëve në Luftën e Dytë Botërore, në Betejën e Kurskut.
Presidenti rus po ashtu është kapur në kamera duke mbajtur një fjalim para të pranishmëve, sipas fotove dhe videove të publikuara nga mediat ruse, por që nuk janë konfirmuar.
Putin teksa fliste ka përshëndetur edhe heronjtë e luftës që ai e quan operacioni special ushtarak i Rusisë në Ukrainë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
