Italia ka vendosur të kërkojë certifikatën e vaksinimit kundër koronavirusit për një sërë aktivitetesh, duke kufizuar kështu të gjithë qytetarët që nuk janë imunizuar.
Të gjithë personat e moshës 12 vjeç e lart, që nuk kanë bërë asnjë dozë të vaksinës, nuk do të mund të hynë në disa vende, përfshirë ambientet e brendshme të restoranteve, kinematë dhe palestrat.
Megjithatë, pas mosmarrëveshjeve brenda koalicionit qeveritar, certifikata nuk do të jetë e nevojshme për transport.
Vendimi vjen ndërkohë që rastet ditore të Covid-19 në Itali janë sërish në rritje. Ato janë dyfishuar gjatë javës së kaluar. Mbi 5,000 të infektuar janë raportuar vetëm të enjten.
Rreth gjysma e italianëve janë tani për tani plotësisht të vaksinuar.
Që nga fillimi i pandemisë, në mars të vitit të kaluar, Italia ka konfirmuar mbi 4.3 milionë raste dhe afro 128,000 viktima.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.