Ngjarje

Ishte në makinë kur ndodhi atentati, mediat greke publikojnë rrëfimin e partneres së Roan Ibrahimit

“Djali i pa të gjitha”, është një ndër fjalitë e rrëfimit të Katerina Beqos, partneres së Roan Ibrahimit që u ekzekutua mbrëmjen e 8 majit në Athinë.

Në një intervistë për mediat greke, Beqo e cila mbeti e plagosur lehtë nga atentati ku u vra me armë zjarri 32 vjeçari shqiptar ka deklaruar se nuk kishte pasur dijeni se Brahimi do të shkonte  në Athinë pasi nuk i kishte treguar asgjë.

“Nuk dija asgjë, nuk më kishte thënë gjë. Erdhi të Shtunën e Madhe për Pashkë”, është shprehur partnerja e Brahimit.

Në lidhje me ngjarjen ajo u shpreh se ishte e pranishme në makinë por nuk mbante mend sesi ndodhi.

“Isha bashkë me të brenda në makinë, por nuk e mbaj mend si ndodhi. Pastaj dola nga makina. Fëmija i pa të gjitha. Tani e ka mamaja ime, unë jetoj në shtëpinë time. Nuk jam fare mirë”, shtoi ajo.

Sipas mediave greke, në momentin që është qëlluar Roan Brahimi, partnerja e tij ka humbur ndjenjat, ndërsa fëmija i tyre ka bërtitur “Babi im, babi im”. Më pas në vendngjarje ka mbërritur gjyshja e fëmijës e cila e ka larguar prej andej.


Copyright © Gazeta “Si”


Lajme të lidhura

Më Shumë