.png)
Gazeta Si – Një nga autorët e djegies së gjashtë automjeteve në biznesin e makinave me qira në Kamëz, është arrestuar.
Policia thotë se Amarildo Saliu, 23 vjeç, banues në Zall Mner, ishte në “arrest shtëpie” dhe në momentin që zjarrvënia ka ndodhur, nuk ka qenë në banesë, të cilën e ka pranë vendit të ngjarjes. Saliut i është sekuestruar celulari, por të gjitha materialet i ka fshirë.
Si autorë të zjarrvënies dyshohet se janë tre persona, ndërsa po punohet ende për zbardhjen e ngjarjes. Biznesi ishte hapur para 6 ditësh dhe është në pronësi të Edjon Hoxhës.
Policia njofton se dyshohet se ai ka djegur një automjet që ka qenë i parkuar në rrugën “Donald Trump” dhe si pasojë e përhapjes së flakëve, janë djegur dhe disa mjete të tjera.
Pista e parë e hetimeve mbetet ajo e konkurrencës. Hoxha është marrë në pyetje nga Komisariati Nr.5 ku ka deklaruar se nuk ka patur probleme me persona të tjerë gjatë kohëve të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
