.png)
Gazeta Si – Me urdhër të drejtorit të Policisë së Tiranës, Tonin Vocaj, 3 punonjës policie, babai dhe dy djemtë e tij, janë pezulluar nga detyra, pasi u përfshinë në një sherr.
Ngjarja ka ndodhur të shtunën në mbrëmje në rrugën “Bardhyl”, ku tre efektivët, në gjendje të dehur, janë konfliktuar me njëri-tjetrin, si dhe gjatë shoqërimit kanë kundërshtuar forcat e policisë.
Bëhet fjalë për inspektor Hamit Sallakun, me detyrë ndihmës specialist për Policimin në Komunitet në Komisariatin Nr. 1 dhe dy djemtë e tij, inspektorin Mariglen Sallaku me detyrë ndihmës specialist për Hetimin e Krimeve në Komisariatin Nr. 2 dhe Denis Sallaku, me detyrë ndihmës specialist për Policimin në Komunitet në Komisariatin Nr. 3.
Gjithashtu, Drejtoria e Standardeve Profesionale në Policinë e Shtetit, ka nisur hetimin disiplinor ndaj tyre, si dhe është njoftuar dhe AMP për hetime të mëtjeshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
