.png)
Gazeta Si - Garda Revolucionare, forca më e fuqishme ushtarake e Iranit, i ka ndaluar të gjithë anëtarët e saj të përdorin çdo pajisje komunikimi elektronik, sipas dy zyrtarëve të lartë të sigurisë së qeverisë iraniane të intervistuar nga agjencia e lajmeve "Reuters".
Urdhri u imponua pasi mijëra “pager”-a dhe telekomanda të përdorura nga anëtarët e Hezbollahut, grupi radikal libanez i mbështetur nga Irani, shpërthyen në të njëjtën kohë javën e kaluar, në atë që besohet të jetë një sulm i organizuar dhe i kryer nga Izraeli.
Shpërthimet shkaktuan dhjetëra persona të vdekur dhe mijëra të plagosur në të gjithë kryeqytetin Bejrut.
Një nga zyrtarët, duke folur për “Reuters”, tha në mënyrë anonime se një operacion i madh ishte duke u zhvilluar për të inspektuar të gjitha pajisjet në posedim të anëtarëve të tij dhe jo vetëm pajisjet e komunikimit.
Zyrtari tha se shumica e këtyre pajisjeve do të prodhohen në Iran, ose do të importohen nga Kina dhe Rusia.
Për momentin nuk dihet se çfarë e shkaktoi shpërthimin e pajisjeve të anëtarëve të Hezbollahut, megjithëse hipoteza më konkrete, e mbështetur nga burime të inteligjencës amerikane dhe autoritetet libaneze, është se ato ishin modifikuar para shpërndarjes për të futur një sasi të vogël eksplozivi.
Kërcënimi nuk është i ri për Teheranin. Në të kaluarën, sitet e saj bërthamore janë dëmtuar nga viruset e "futur" nga manovrat kibernetike (veprim i Izraelit në bashkëpunim me perëndimorët) ose nga blerja e teknologjisë së gabuar.
Mossad, duke parashikuar atë që ndodhi me “pager”-ët, kishte krijuar kompani në hije që u shisnin mullahëve produkte të modifikuara në atë mënyrë që të shkaktonin dëme, pasi futeshin në një fabrikë brenda një laboratori.
Në disa raste ata arritën të fshehin pajisje në mobilje të destinuara për vendet e përfshira në programin e luftës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
