Policia në Kinë dhe Afrikën e Jugut ka kapur mijëra doza të rreme të vaksinës Covid-19, deklaroi të mërkurën organizata globale e policisë Interpol, duke paralajmëruar se kjo përfaqësonte vetëm "majën e ajsbergut" në krimin e lidhur me vaksinat. Agjencia me bazë në Lyon, Interpol tha se 400 shishka - ekuivalente me rreth 2,400 doza që përmbajnë vaksinën e rreme - u gjetën në një depo në Germiston jashtë Johanesburgut në Afrikën e Jugut, ku oficerët gjetën gjithashtu maska dhe arrestuan u tre kinezë dhe një shtetas Zambian.
Në Kinë, policia identifikoi me sukses një rrjet që shiste vaksina të falsifikuara Covid-19 në një hetim të mbështetur nga Interpoli, i cili ka 194 vende anëtare. Ata bastisën vendet ku prodhohej vaksina duke rezultuar në arrestimin e rreth 80 të dyshuarve dhe u kapën më shumë se 3,000 vaksina të rreme. Interpoli në fillim të këtij viti lëshoi një njoftim ku autoritetet paralajmëronin se e githë bota duhet të ishte e përgatitur për të anashkaluar raste të tilla.
"Çdo vaksinë që reklamohet në faqet e internetit ose rrjeti i errët nuk do të jetë i ligjshëm, nuk do të jetë testuar dhe mund të jetë i rrezikshëm," deklaroi Interpoli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.