Gazeta Si - Dy të rinj janë arrestuar, pasi i kanë vjedhur me dhunë varësen një gruaje në Tiranë. Policia thotë se të arrestuarit janë O.H., 18 vjeç, dhe K.H., 24 vjeç, banues në Lezhë, për veprën penale “Vjedhja me dhunë”, kryer në bashkëpunim.
Më 8 korrik është bërë denoncimi në polici nga gruaja që iu vodh varësja. Sipas dëshmisë së saj, dy të rinjtë ia vodhën varësen te zona e Astirit.
Pasi ia vodhën zonjës, 18-vjeçari dhe 24-vjeçari e kishin shitur varësen në një argjendari në qytetin e Lezhës.
Për rastin u procedua penalisht në gjendje të lirë edhe pronari i argjendarisë, shtetasi I. G., 39 vjeç, banues në Lezhë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.