.png)
Një 45-vjeçar nga Prizreni ka përfunduar në prangat e Policisë kufitare të Morinës, pasi rezultonte i shpallur në kërkim për abuzim seksual me nipin e tij 8-vjeçar.
Shtetasi Belul Kokollari, lindur dhe banues në fshatin Malësi e Re në Prizren, u arrestua nga Policia kufitare për llogari të Policisë së Beratit. Me anë të një njoftimi, Policia e këtij qarku tha se akuzat ndaj 45-vjeçarit janë provuar jo vetëm nga deklarimet e të miturit dhe nënës së tij, por edhe nga ekzaminimet mjekoligjore.
Gjykata e Shkallës së Parë Berat i ka caktuar masën e sigurimit personal ‘Arrest në burg’, për veprën penale ‘Marrëdhënie seksuale ose homoseksuale me të mitur’. Ky shtetas ishte shpallur në kërkim, pasi bazuar në ekzaminimet mjekoligjore, deklaratat e fëmijës dhe të nënës së tij dyshohet se ka kryer marrëdhënie homoseksuale me nipin e tij të mitur 8-vjeçar”, sqaron Policia. Në seancën e zhvilluar në Gjykatën e Beratit, Kokollari i konsideroi akuzat si të montuara.
NGJARJA
Burri nga Prizreni ka të martuar motrën e tij në Berat. Policia nuk sqaron se kur ka ndodhur ngjarja, por burimet thotë se denoncimi ka ndodhur rreth dy javë më parë. Ka qenë vetë fëmija që i shoqëruar nga nëna e tij ka mbërritur në Drejtorinë Vendore të Policisë Berat menjëherë pas ngjarjes, ndërsa ditën e djeshme ka qenë motra e autorit të dyshuar ajo që ka sinjalizuar Policinë për ardhjen e Kokollarit në Shqipëri. Sipas deklaratave të fëmijës, përdhunimi është kryer rreth një muaj më parë në shtëpinë e dajës në Prizren, ku 8-vjeçari bashkë me të ëmën kishin shkuar për të qëndruar disa ditë.
Pas denoncimit dhe ekzaminimit, Policia e Beratit shpalli në kërkim 45-vjeçarin Kokollari, i cili nuk ishte në dijeni se kërkohej nga Policia shqiptare. Ai ishte nisur gjatë ditës së djeshme për të shkuar drejt Beratit për të vizituar motrën e tij, e cila ishte martuar prej vitesh atje dhe jetonte në lagjen “28-Nëntori”. Pas arrestimit, Kokollari është transferuar direkt në Policinë e Beratit, ku do t’i nënshtrohet procesit gjyqësor. “Njeriu që gabon mund ta përmirësojë gabimin. Njeriu i paditur mund të mësojë. Por një njeri i keq në shpirt do mbetet gjithmonë i tillë”, shkruante Kokollari në 26 shtator.
DËNIMI
Kokollari rezulton i dënuar me 4 muaj burg për veprën penale të dhunës, ngjarje e ndodhur rreth një vit më parë. Ka qenë pikërisht kjo periudhë kur mendohet se 45-vjeçari ka krijuar “afrimitet” me nipin e tij, e pasuar më pas nga abuzimi seksual. Në atë periudhë, Kokollari kishte qëndruar për ditë të tëra në Berat, pasi motra e tij dhe bashkëshorti kishin pasur një konflikt me një fqinjin e tyre në gusht 2020.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
