.png)
Nga Gazeta Si- Tre të rinj janë arrestuar pasi përmes dhunës dhe kanosjes i kanë marrë një të riu nga Belshi 2000 mijë euro.Policia thotë se tre 20 vjeçarë janë arrestuar pasi përmes dhunës dhe kanosjes akuzohen se i kanë marrë një 20-vjeçari shumën 2000 euro, pasi ai kishte postuar në rrjetin social Instagram, automjetin e njërit prej të arrestuarve, konkretisht Dervish Rustës.Policia tha se në kuadër të operacionit “Postimi” janë arrestuar: Dervish Rusta, 23 vjeç;Elidon Bosco, Sulollari 25 vjeçFrançesko Çengeli 26 vjeç.Të tre të rinjtë janë banues në Elbasan. Policia ishte njoftuar për ngjarjen dhe organizuan arrestimin e tyre.Gjatë kontrollit në banesën e shtetasit Dervish Rustës, u gjetën dhe u sekuestruan në cilësinë e provës materiale 74 doza me lëndë të dyshuar narkotike kanabis, 2 peshore elektronike, 1 radio marrëse-dhënëse dhe 2 automjete.Gjithashtu policia ka nisur procedimin penal dhe për shtetasit : A. K., 43 vjeç, A. H., 51 vjeç, A. B., 29 vjeç, të tre banues në Elbasan, pasi kanë patur dijeni për ngjarjen dhe nuk kanë kallëzuar në Polici.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
