.png)
Gazeta Si – Një 51-vjeçar i identifikuar si Ardian Ahmetaj, është arrestuar në Greqi, pasi ishte shpallur në kërkim ndërkombëtar për vrasjen e Besnik Hidës në Lushnjë në vitin 2019.
Sipas policisë, Ahmetaj, i shpallur në kërkim dhe me rrezikshmëri të lartë shoqërore u arrestua në Pire të Greqisë falë informacioneve të siguruara nga strukturat e policisë së shtetit që ka njoftuar autoritetet e vendit fqinj.
Ahmetaj akuzohet se në bashkëpunim me të dënuarin me burg të përjetshëm Laert Haxhiun dhe Orges Bilbilin, kanë bashkëpunuar për të ekzekutuar me armë zjarri 40 vjeçarin mëngjesin e 1 tetorit të 2019-ës teksa pinte kafe në një lokal të lagjes “Skënder Libohova”.
Hida ishte daja i Zamir Latifit, të riut që u vra aksidentalisht më 11 tetor 2017 në të ashtuquajturën “masakra e Lushnjës”, teksa shënjestër ishte Xhulio Shkurti, nipi i Aldo Bares.
Përgjatë 3 viteve në vijim 40-vjeçari vijonte të kërkonte drejtësi për nipin, por u eliminua edhe vetë. Pas arrestimit, tashmë pritet ekstradimi i Ardian Ahmetajt në Shqipëri, ku i është caktuar masa e sigurisë “arrest me burg”. Më herët në Shqipëria u ekstradua edhe Laert Haxhiu, i akuzuar për disa vrasje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
