.png)
Turneu i Sinsinatit ka përjetuar një nga momentet e tij më të sikletshme në histori. Protagonist është bërë sërish ai, që rëndom ka filluar të thirret si i “çmenduri Kyrgios”. Bëhet fjalë për tenistin australian, Nick Kyrgios që njihet për temperamentin e tij shumë impulsiv, por që këtë herë ka shpërthyer përtej çdo limiti.
Humbja me rivalin e tij rus, Karen Khachanov nuk u prit mirë nga tenisti i ri, i cili ka kryer disa gjeste anti sportive, gjatë dhe pas ndeshjes.
Në fillim ai kërkoi leje që të shkonte në tualet, por në këtë moment ai është kapur duke bërtitur dhe të gjuaj me raketën e tij. Rezultati? 2 raketa të thyera, por për fat të mirë asnjë nga punonjësit e shërbimit nuk ështe lënduar.
Nervat e Nick Kyrgios nuk u shfrynë me kaq. Kur u kthye në fushë ai ka ofenduar më shumë se një herë arbitrin e ndeshjes, madje edhe me kundërshtarin nuk u tregua “fair”, duke mos i dhënë dorën në fund të përballjes.
Sikur të mos mjaftohej me kaq, Nick Kyrgios ka dalë edhe kundër publikut. Hoqi atletet e tij dhe i hodhi në drejtim të tyre, duke mos njohur asnjë limit në frenimin e nervave të tij. Penalitet kanë për të qenë të mëdha për australianin që në fakt këtë sjellje nuk e ka për herë të parë.
Më herët gjatë turneut të Uimbëlldonit, Kyrgios kishte shfaqur sjellje anti sportive sërish kundër arbitrit, duke mos i përtypur dot vendimet e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
