.png)
Një 32-vjeçar i kërkuar ndërkombëtarisht, pasi akuzohet nga autoritetet italiane si pjesëtar i një organizate kriminale për trafikim të narkotikëve, është arrestuar në Shkodër, me qëllim ekstradimi.
“Shërbimet e njësisë së specializuar FAST Albania, në bashkëpunim me Drejtorinë e Policisë Shkodër, lokalizuan në lagjen ‘Ndoc Mazi’, në Shkodër dhe e arrestuan me qëllim ekstradimin, shtetasin e shpallur në kërkim ndërkombëtar. Si rezultat i operacionit, dhe u arrestua provizorisht shtetasi i shpallur në kërkim ndërkombëtar F. M., 32 vjeç”, thuhet në njoftimin e policisë.
32-vjeçari ishte shpallur në kërkim ndërkombëtar, pasi Gjykata e Milanos i kishte caktuar masën e sigurisë “Arrest në burg”, për veprën penale “Organizata kriminale me qëllim trafikimin e drogës”, sipas Kodit Penal të Italisë, ku parashikohet dënim deri në 20 vjet burgim për këtë vepër.
Interpol Tirana vijon të bashkëpunojë me partnerët italianë, për ekstradimin e 32-vjeçarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
