Gazeta Si - Një fëmijë vetëm 2 vjeç, i seksit mashkull, ka humbur jetën, pasi dyshohet se ka humbur jetën aksidentalisht, duke konsumuar raki.
Ngjarja e rëndë ka ndodhur në një familje në fshatin Sul të Devollit, ku i mituri është paraqitur i pajetë në Spitalin e Bilishtit.
Nga të dhënat e para dhe deklarimet e stafit mjekësor, dyshohet se fëmija ka humbur jetën pas konsumimit gabimisht të një shishe rakie, që familjarët e kishin lënë në banesë.
Në kohën kur nëna e tij kryente punët e shtëpisë, dyshohet se i mituri ka marrë një bidon gjysëm litër që e ka menduar se ka qenë me ujë.
Sipas mjekëve, alkooli i ka bllokuar rrugët e frymëmarrjes, duke i sjellë vdekjen. Nëna e ka gjetur të shtrirë në dysheme dhe e kanë çuar menjëherë në spital por fatkeqësisht fëmija ka ndërruar jetë në banesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.