Hong Kong, zjarr në ‘World Trade Center’: 13 të plagosur e 1200 të evakuuar

13:40 - 15 Dhjetor 2021

Mbi 300 njerëz u strehuan në çatinë e Qendrës Botërore të Tregtisë në Hong Kong, ndërsa 1200 u evakuuan më vonë për shkak të një zjarri.

Sipas raporteve nga “South China Morning Post”, zjarri dyshohet se ka nisur nga një dhomë e matësit të energjisë elektrike, duke përfshirë skelat e ndërtesës dhe duke plagosur të paktën 13 persona. Policia njoftoi se një grua gjysmë e vetëdijshme rreth të 60-ave u transferua në spital për shkak të asfiksisë.

Zjarri u përhap në të gjithë ndërtesën 38-katëshe në “Gloucester Road”, “Causeway Bay” dhe mori flakë gjatë pushimit të drekës, duke detyruar shumë njerëz të kërkojnë siguri në katin e fundit.

Tymi u përhap gjithashtu në një restorant dhe stafi u shpërndau shami klientëve të prekur. Ekipet e zjarrfikësve janë aktivizuar menjëherë, duke e shuar zjarrin me dy avionë uji.

Trapped people being rescued at Hong Kong’s World Trade Centre after a major fire pic.twitter.com/1XHGmVr9sz
— SCMP Hong Kong (@SCMPHongKong) December 15, 2021

Gjithashtu, u vendosën edhe dy ekipe shërbimi të pajisura me aparate frymëmarrjeje të pavarura. Sipas autoriteteve lokale, zjarri është vënë pothuajse plotësisht nën kontroll dhe paraprakisht thuhet se nuk ka viktima.

Qendra tregtare, duke përfshirë parkingun nëntokësor, kishte disa muaj që po rinovohej. Katet e poshtme të ndërtesës, në pronësi të “Sun Hung Kai Properties”, ishin të rrethuar me skela. Vetëm restorantet midis katit të 6 dhe të 13 dhe zyrat midis katit të 14 dhe 38 ishin ende në punë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.