.png)
Duke nisur nga kjo e hënë, 24 janar, do të ketë një procedurë të re për regjistrimin e mjeteve rrugore për herë të parë, e cila do të eliminojë kohë prijteje dhe kosto të tepërta për qytetarët dhe subjektet.
Në një video të postuar në faqen e Facebook-ut të kryeministrit Rama, thuhet se nga 24 janari, hiqen mbi 60 mijë praktika në vit që kërkonin përkthime e noterizime njehsime me origjinalin nga dokumentet me gjuhë të huaj.
Në këtë mënyrë, qytetarëve u kursehen 300.000.000 lekë në vit. Nga 24 Janari 2022, DPSHTRR njeh po ashtu dokumentet e origjinës dhe dokumentet teknike në gjuhën angleze, dokumentet teknike nga prodhuesi nga vendet e BE ose sipas formatit të kodeve të Direktivave të KE dhe të dhënat e fitimit të pronësisë sipas deklaratës doganore.
“I kursejmë qytetarëve mbi 300,000,000 Lekë në vit! Koha që do humbej në një vit do të ishte sa 1,250 ditë”, thotë DPSHTRR.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
