Nëse jeni një duhanpirës dhe viti 2024 ju gjen në Hauai, gjasat janë që të mos u lejohet ndezja e cigares, të paktën pa mbushur 100 vjeç. Propozimi, nëse do të shndërrohet në ligj, praktikisht do të ndalonte duhanpirjen në ishullin e Shteteve të Bashkuara të Amerikës.
Ideja është e Richard Creagan, politikan vendor i demokratëve, që njëkohësisht ushtron edhe profesionin e mjekut.
“Kemi një shtresë të konsiderueshme personash që janë shumë të varur ndaj duhapirjes. Në kendvështrimin tim, këta persona janë skllevër të një industrie qesharake, që vazhdimisht përpunon e modifikon cigaret, duke i shndërruar konsumatorët e tyre në vartës besnikë, megjithëse shumica e dijnë që ky ves është vdekjeprurës”, deklaroi ai për “Hawaii Tribune Herald”.
Hauai ka ligjet më të ashpra në Shtetet e Bashkuara kundër cigares. Aktualisht, askush nuk mund të blejë një paketë pa mbushur 21 vjeç dhe çmimet e cigareve janë ndër më të lartat në botë për shkak të taksave të forta që janë vendosur.
Por, Creagan propozon që mosha e blerjes së cigareve të rritet në 30 vjeç për 2020, 40 për 2021, 50, 2022, 60 në 2023 dhe 100 për në vitin 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.