.png)
Duke qeshur Vladimir Putin tha të enjten se dëshiron që kandidatja demokrate Kamala Harris të fitojë zgjedhjet në SHBA këtë vit.
“Para së gjithash, (Joe) Biden u rekomandoi të gjithë mbështetësve të tij që të mbështesin zonjën Harris. Ne kemi thënë më parë se Biden ishte kandidati ynë i preferuar. Kështu që tani do të bëjmë siç tha ai, do ta mbështesim atë”, tha presidenti rus gjatë Forumit Ekonomik Lindor në Vladivostok, Rusi.
“Së dyti, ajo të infekton me buzëqeshjen e saj. Kjo do të thotë se ajo po shkon mirë. Trump ka vendosur më shumë sanksione ndaj Rusisë se çdo president më parë, dhe nëse Harris po bën mirë, atëherë ndoshta ajo do të përmbahet nga një gjë e tillë”, tha Putin me shaka.
Nuk është hera e parë që Putin pretendon se po mbështet demokratët.
Në shkurt të këtij viti, shefi i Kremlinit tha se Biden është i preferuari për Rusinë, pasi ai është më me përvojë dhe më i parashikueshëm se ish-presidenti republikan Donald Trump, i cili po konkurron sërish për Shtëpinë e Bardhë.
Putini deklaroi mbështetjen e tij për Harrisin, pasi akuzat e reja për ndërhyrjen ruse në zgjedhjet amerikane tronditën SHBA-në, duke ekspozuar mediat shtetërore të Moskës për përhapjen e dezinformatave përpara votimit vendimtar të nëntorit.
Trump, nga ana e tij, ka refuzuar vazhdimisht të kritikojë Putinin
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
