.png)
Që kur mori drejtimin e Gucci, stilisti Alessandro Michele ka futur një ndjenjë nostalgjie në markën e famshme. Mënyra se si ai merr elemente nga e kaluara për të formuar koleksione që ndihen të freskëta dhe të reja është lavdëruar nga kritikët, është lakmuar nga të famshmit dhe është pranuar nga kushdo që vlerëson stilin. Kohët e fundit, Michele është frymëzuar nga vitet ’70, një dekadë që është sinonim i kohës së diskos, veshjeve sportive dhe një larmie të madhe. Kjo ishte edhe koha kur Adidas përdori logon e saj me tre fletë, duke u bërë emblema e markës deri në vitin 1997, kur ajo u zëvendësua nga tre vija. Së fundmi, Adidas dhe Gucci kanë bashkuar forcat duke bashkëpunuar me një koleksion.
Sigurisht që nuk është hera e parë që dy marka të mëdha bashkojnë forcat: Fendi dhe Versace, New Balance dhe Junya Watanabe, dhe Nike dhe Jacquemus janë disa shembuj të fundit. Nuk është as hera e parë për Gucci: marka tërhoqi vëmendjen (dhe shitjet) e suksesshme me ekipin e saj me Balenciaga dhe një tjetër me The North Face. Por ky me Adidas është ndryshe. Jo vetëm që të dyja markat kanë një dashuri të madhe për vijat dhe stilet e viteve '70, po të dyja janë gjithashtu të përkushtuara ndaj praktikave të qëndrueshme.
Ka çanta në të gjitha madhësitë, kostume sportive, pantallona të shkurtra, rripa, shapka, këmisha, fustane dhe shumë më tepër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
