.png)
Gazeta Si - Pas njoftimit të parë për anulim të të gjitha fluturimeve në drejtim të aeroporteve italiane, për shkak të grevës së punonjësve në shtetin fqinj, Aeroporti i Rinasit ka njoftuar se prej orës 15:00 do të rinisin fluturimet.
Megjithatë, në njoftim u bëhet thirrje pasagjerëve që do të udhëtojnë drejt Italisë që më parë të kontaktojnë me kompanitë ajrore për të verifikuar statusin e fluturimit të tyre.
“TIA njofton se fluturimet nga aeroportet italiane dhe drejt tyre do të vazhdojnë normalisht duke filluar nga ora 15:00 e ditës së sotme. Ju lutemi pasagjerëve që kanë fluturim sot drejt destinacioneve të Italisë të komunikojnë paraprakisht me kompanitë ajrore respektive për të verifikuar statusin e fluturimit të tyre para se të nisen për në aeroport”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
