Greqia ka vendosur të zgjerojë masën e mbylljes së kufirit nga ora 23:00 dhe deri në orën 07:00 të mëngjesit me të gjitha doganat tokësore të vendit.
Pra, nga nesër në mbrëmje në orën 23:00, do të mbyllet edhe Kapshtica, dhe pikat e tjera që lidhin dy vendet, si dhe doganat me Maqedoninë e Veriut, Bullgarinë dhe Turqinë.
Përjashtim do të ketë vetëm pika kufitare e Promakonës që është njëkohësisht edhe e vetmi pikë hyrëse për vendet e BE dhe atyre ballkanike në Greqi.
Sipas zëdhënësit të qeverisë greke, autoritetet janë të shqetësuara për fluksin e lartë të lëvizjeve nga dhe drejt vendeve të Ballkanit, për shtetasit që bëjnë pjesë në kategoritë që lejohet të lëvizin, pasi sipas zotit Petsas, situata në vendet e rajonit është alarmante.
Gjatë ditëve të fundit në doganën e Kakavijës janë instaluar ekipe të qendrës epidemiologjike të spitalit të Janinës, si dhe mjekë ushtarakë në Kakavijë, të cilët marrin tamponë nga pothuaj çdo udhëtar në këtë doganë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
