Grabitja e një pike karburanti në autostradën Tiranë-Durrës është stimiuluar nga menaxheri i firmës, me qëllim justifikimin e shumave të mëdha të parave të xhirove ditore që i kishte humbur duke luajtur në lojëra fati.
Policia ka zbardhur dinamikën e grabitjes së pretenduar dhe ka vënë në pranga menaxherin e pikës, Gerti Farruku, 23 vjeç.
Gjithashtu, në pranga ka rënë edhe pronari i lokalit që ushtronte veprimtarinë e kundërligjshme të lojërave të fatit, ku menaxheri i karburantit kishte lënë paratë, duke luajtur.
Në lokalin e Arsid Haxhijas, 22 vjeç, pronari i lokalit që organizonte lotari të palejuara, dyshohet se shtetasi Gert Farruku ka humbur shuma të mëdha parash duke luajtur loto.
Nga hetimet e kryera dhe mbledhja e të gjitha provave procedurale është konstatuar se në momentin e vjedhjes, një person i maskuar ka zbritur nga një mjet dhe i ka vjedhur me dhunë xhiron ditore 23-vjeçarit, menaxheri i kompanisë.
Në vijim të hetimeve ka rezultuar se Farruku, për një periudhë 2-mujore ka vjedhur sistematikisht kompaninë ku ai punon, duke deklaruar shuma më të vogla se fitimi. Shumën e lekëve të përfituara nga mosdeklarimi, i riu e ka luajtur në lotari të palejuara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.