Nga Gazeta Si- Shqiptarët anë e mbanë botë festojnë 111-vjetorin e shpalljes së Pavarësisë.
Kësaj dite të shënuar të kombit shqiptar i është bashkuar edhe motori i kërkimit “Google”, i cili është stolisur me ngjyrat e flamurit kuq e zi, për nder të Pavarësisë së Shqipërisë.
Më 28 nëntor 1912, Ismail Qemali ngriti flamurin në Vlorë duke shpallur Shqipërinë shtet sovran dhe të pavarur nga Perandoria Osmane.
Dita e Flamurit do të mbledhë në Tiranë shumë qytetarë, që do t’i bashkohen festës. Po ashtu për nder të kësaj dite feste kombëtare për herë të parë mbahet “Parada e Shqiptarisë”, e cila do të bëjë bashkë shqiptarët nga të gjitha trevat si dhe nga Diaspora e largët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.