.png)
Gazeta Si – Gjykata e Lartë ka rrëzuar rekursin e deputetes Monika Kryemadhit dhe ka lënë në fuqi vendimin e GJKKO dhe Apelit të Posaçëm për sekuestrimin e vilës te Kodra e Diellit.
Në dhjetor 2024, Gjykata e Posaçme e Apelit kishte vendosur të hiqte sekuestron për vilën e nënës së Kryemadhit, Fatime Kryemadhi, e cila ndodhet në të njëjtën rezidencë.
Fillimisht, SPAK kishte kërkuar sekuestrimin e të dy vilave, por Gjykata e Apelit i riktheu pronësinë e vilës Fatime Kryemadhit.
Vendimi për sekuestrimin e vilës së deputetes, u bë me kërkesë të SPAK, në kuadër të hetimit që po zhvillon Prokuroria e Posaçme për ish-çiftin e bashkëshortëve, Meta dhe Kryemadhi.
Vetë Kryemadhi krahas sekuestros, është dhe nën masën e sigurisë ‘detyrim paraqitje’, për akuzat e pastrimit të parave, korrupsionit dhe mosdeklarim pasurish. Ndërkohë për të njëjtat akuza ish-presidenti Meta është në masën e sigurisë “arrest me burg”.
Këto akuza lidhen me skandalet e njohura CEZ dhe DIA, si dhe me aktivitetet e lobimit të LSI-së në SHBA. Për çiftin ka nisur edhe një hetim pasuror nga autoritetet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
