Një Novak Gjokoviç në formë shumë të mirë në Atp Finals në Torino. Numri 1 në botë nuk i ka dhënë asnjë shans rusit Andrei Rublev, të cilin e ka mundur pastër pas dy setesh, 6-3 dhe 6-2. Serbi është kualifikuar për në gjysmëfinale, ndërkohë që në të njëjtin grup ka fituar edhe Kasper Rud 1-6, 6-3 dhe 6-4 ndaj Kameron Norri.
Rrugëtimi i Gjokoviçit vazhdon pa pengesa. Pas suksesit në debutim ndaj Rud, ai mundi me lehtësi edhe rusin Rublev, duke e siguruar pa probleme gjysmëfinalen. Një ndeshje para kohe ai ka siguruar vendin e parë në grupin e tij. Gjokoviç e nxorri jashtë loje kundërshtarin, duke treguar aftësitë e tij mbrojtëse.
Ekuilibër pati vetëm në fillim të ndeshjes, më pas “Nole” vendosi këmbën te gazi dhe mori kontrollin e lojës në dorë, duke e bërë më konfuz tenistin rus. Ai humbi edhe shërbimin dhe Gjokoviç fluturoi në gjysmëfinale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.