Gazeta Si – Një nxënëse e klasës së 10-të në gjimnazin ‘Vasil Kamami’ në qytetin e Elbasanit është hedhur sot nga kati i dytë i shkollës. Arsyet ende nuk janë bërë të qarta, por duket se ajo ka dashur të largohet nga klasa.
Nxënësja ka pësuar dëmtime dhe është dërguar në spitalit e Elbasanit për të marrë ndihmë mjekësore. Ajo është jashtë rrezikut për jetën, ndërsa policia po punon për zbardhjen e rrethanave të ngjarjes.
Janë marrë në pyetje nxënësit e tjerë të klasës për të kuptuar pse e mitura është hedhur nga kati i dytë i shkollës. Nga dëshmitë e tyre është mësuar se vajza ishte në gjendje të rënduar psikologjike kohët e fundit. Ajo ka qenë me urdhër mbrojtjeje dhe qëndronte në një nga qendrat rezidenciale për të mitur në Elbasan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.