.png)
Gjimnasti Ivan Kuliak shkaktoi zemërim tek njerëzit të shtunën duke veshur një simbol të luftës ruse në bluzën e tij ndërsa ndante një podium me një rival ukrainas.
Ish-kampioni rus i të rinjve Kuliak sapo kishte përfunduar i treti pas fituesit të Ukrainës Illia Kovtun në hekurat paralele në një ngjarje të Kupës së Botës në Doha. Dhe ndërsa gjimnastët u fotografuan duke qëndruar krah për krah për të marrë medaljet e tyre, dukej qartë një shkronjë ‘Z’ e ngjitur në mes të bluzës së Kuliak.
Shkronja Z, e cila simbolikisht përfaqëson ‘fitoren’ në rusisht, është ngjitur në pjesën e përparme të tankeve të Vladimir Putin dhe automjeteve të tjera ushtarake.
Kuliak, 20 vjeç, mori trajnim ushtarak me ushtrinë ruse vitin e kaluar. Z në bluzën e tij ishte në vend të flamurit rus, i ndaluar nga Federata Ndërkombëtare e Gjimnastikës, e cila gjithashtu ka anuluar të gjitha ngjarjet në Rusi dhe Bjellorusi. Politikanët, aktivistët dhe blogerët pro-Putin janë parë gjithashtu të veshur me rroba dhe distinktivë me shkronjën ‘Z’ për të treguar mbështetjen e tyre për luftën./Daily Mail/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
