Gjermania ka kapërcyer sot Kinën për numrin e personave të prekur nga koronavirusi, edhe pse shkalla e vdekshmërisë në ekonominë më të madhe europiane është ndër më të ulëtat në botë.
Autoritetet kanë raportuar se numri total i të infektuarve ka arritur në rreth 92 mijë persona kurse numri i viktimave ka shkuar në 1275
Landi më i goditur nga pandemia është Bavaria, me rreth 20,000 raste. Ajo është vendosur në shtetrrethim dhe është i vetmi land ku banorët janë prej disa ditësh në izolimin total.
Ashtu si në Italia, edhe në Gjermani, punonjësit e shëndetësisë që ndodhen në vijën e parë të betejës, nuk i kanë shpëtuar epidemisë.
Gazeta Süddeutsche Zeitung raporton sot në Gjërmania më
shumë se 2.300 të infektuar, përfshirë mjekë dhe infermierë, dhe se numri i tyre
pritet të rritet.
Ndërkohë, edhe në Francë u regjistrua një numër rekord viktimash në një ditë të vetme, pasi 588 persona humbën jetën nga koronavirusi, duke e çuar numrin e përgjithshëm të viktimave në mbi 6.500.
Universiteti John Hopkins, i cili po punon minut pas minuti rastet dhe të dhënat e reja të pandemisë, thotë se Spanja ka numrin më të madh të të infektuarve, duke e tejkaluar Italinë,
Në vend numërohen më shumë se 119 000 raste kurse numri i viktimave ka shkuar në rreth 11 200. Sipas të dhënave nga Ministria e Shëndetësisë në Spanjë në 24 orët e fundit u shënuan 932 viktima.
Pas Spanjës në renditje ndodhet Gjermania dhe më pas Britania e Madhe me 39 000 raste dhe 3600 viktima.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
