.png)
Gjermania do të hapë nga 25 qershori kufijtë për shqiptarët e vaksinuar, pas më shumë se një viti që nga fillimi i pandemisë.
Ministria e Jashtme e Gjermanisë njofton se nga dita e premte javën e ardhshme do të lejohen vizitat dhe udhëtimet turistike nga të gjitha vendet e sigurta, pjesë e së cilave është bërë së fundmi edhe Shqipëria.
Lehtësimi i masave do të vlejë tani për tani për personat që janë vaksinuar me dy doza me vaksina të aprovuara nga Agjencia Evropiane e Barnave (EMA).
Për momentin, në BE të miratuara janë vaksinat Pfizer, Moderna, AstraZenaca dhe Johnson&Johnson. Vaksina ruse Sputnik V dhe dy vaksinat kineze: Sinofarm dhe Sinovac ende nuk janë aprovuar nga agjencia europiane.
Ministria e Jashtme gjermane njofton po ashtu kontrolle shtesë për tu zbuluar mashtrimet me certifikatat e vaksinave. Saktësinë e tyre do ta kontrollohet nga kompanitë ajrore dhe policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
