.png)
Shkencëtarët kanë gjetur dhe filmuar një nga anijet më të mëdha të mbytura ndonjëherë dhe është zbuluar plot 107 vite pasi u mbyt.
Endurance, anija e humbur e eksploruesit të Antarktikut Ernest Shackleton, u gjet në fund të detit Weddell.
Anija u përplas me akullin e detit dhe u mbyt në 1915, duke detyruar Shackleton dhe njerëzit e tij të bënin një arratisje mahnitëse në këmbë dhe me varka të vogla.
Video e mbetjeve tregon Endurance në gjendje të jashtëzakonshme.
Edhe pse ka qenë i zhytur në 3 km ujë për më shumë se një shekull, duket njësoj si në ditën e nëntorit kur u rrëzua.
Emri i anijes, Endurance është qartë i dukshëm.
“Pa asnjë ekzagjerim, kjo është anija më e mirë prej druri që kam parë ndonjëherë deri tani”, tha arkeologu detar Mensun Bound, i cili ishte prezent gjatë zbulimit dhe kështu përmbushi një ëndërr gati 50-vjecare në karrierën e tij.
Pse ishte e çmuar kjo anije?
Ka dy arsye. E para është historia e Ekspeditës Imperial Trans-Antarktike të Shackleton. Ajo u nis për të bërë kalimin e parë tokësor të Antarktidës, por iu desh të braktiste kërkimin kur anija e ekspeditës, Endurance, u bllokua nga akulli i detit. Që atëherë, gjithçka ishte për mbijetesën. Shackleton arriti t’i çonte njerëzit e tij në bregdet, një arratisje që u quajt ekzemplare për shkak të vështirësive.
Arsyeja tjetër ishte vetë sfida e gjetjes së anijes. Deti Weddell është pothuajse përgjithmonë i mbuluar me akull të trashë. Për t’iu afruar vendndodhjes së supozuar të fundosjes është mjaft e vështirë, por këtu ka ndihmuar ulja e nivelit të detit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
