.png)
Gazeta Si - Një emigrant nga vendet e Lindjes është gjetur i pajetë gjatë orëve të para të mëngjesit të kësaj të enjteje në fshatin Drenovë të Korçës.
Trupi i emigrantit u konstatua nga banorët e fshatit, të cilët me pas njoftuan policinë. Ekspertët mjeko-ligjorë që këqyren trupin e emigrantit nuk konstatuan shenja dhune. Paraprakisht, dyshohet që emigranti i moshës rreth 25 vjeç të ketë humbur jetën për shkaqe natyrore.
Territori mbi fshatin Drenovë shpesh shërben si shteg kalimi për emigrantët e vendeve të Lindjes ,të cilët hynë në territorin tonë nga Greqia duke udhëtuar në këmbë nga zona e Dardhës dhe Arrzës.
“Më datë 18.04.2024, rreth orës 06:40, në fshatin Drenovë, Korçë, në rrugë, është gjetur i pajetë, një shtetas i huaj (dyshohet emigrant nga Vendet e Treta) rreth 25-30 vjeç. Nga këqyrja paraprake e trupit të viktimës, nuk janë konstatuar shenja dhune dhe dyshohet se ky shtetas, mund të ketë humbur jetën për shkaqe natyrale. Pritet ekspertiza mjekoligjore për të përcaktuar shkakun e vdekjes. Grupi hetimor vijon punën për sqarimin e plotë të rrethanave të ngjarjes”, - thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
