Gazeta Si - Një telefonatë e mbërritur në polici, ka njoftuar për zbulimin e mbetjeve kockore të dyshuara si ato të njeriut në afërsi të një banese në lagjen “Kushtrimi” në Vlorë.
Ka qenë një grua e identifikuar me inicialet I.L., që ka bërë denoncimin në sallën operative të Vlorës.
Gruaja thotë se kishte parë kafkën dhe mbetje të tjera kockore.
Fqinjët e banores, e cila gjeti eshtrat ndërsa po punonte në oborrin e shtëpisë së saj, thanë se ajo e mori dheun nga një pallat në ndërtim për të mbushur bahçen.
“Ishim bashkë kur e gjeti, dheun e mori për të mbushur bahçen nga një pallat në ndërtim. I kishte dalë kafka e kokës. Erdhi policia i mori”, - -thotë një prej tyre.
Ndërkohë gruaja është duke u marrë në pyetje nga specialistët në drejtorinë e Policisë së Vlorës.
Grupi hetimor po punon për zbardhjen e rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.