Për mbretin e 2019-20-ës dhe fituesit e çmimeve individuale të basketbollit amerikan, që do të vendosen duke marrë në konsideratë ndeshjet e luajtura deri më 11 mars, duhet pritur “Play off”-i. Megjithatë, janë shpallur kandidatët për çdo kategori, ndërsa përzgjedhjen do ta bëjë një juri ndërkombëtare gazetarësh.
Në garë për “MVP” (lojtarin më të mirë) të sezonit janë Giannis Antetokounmpo, më i miri edhe vitin e kaluar, James Harden, mbreti i 2018-ës dhe i dyti në vitet 2015, 2017 dhe 2019, si dhe LeBron James, i cili e ka fituar këtë çmim katër herë në karrierë. Giannis dhe LeBron janë favoritë për këtë çmim.
Për çmimin “ROOKIE” finalistë janë Ja Morant i Memphis, Kendrick Nunn i Miami dhe Zion Williamson i Nju Orleans. Morant është favorit, sepse Zion ka luajtur vetëm 19 ndeshje para ndalesës për shkak të pandemisë. Giannis bën pjesë edhe në treshen e kandidatëve për mbrojtësin më të mirë, bashkë me Anthony Davis dhe Rudy Gobert. Francezi është mbret i sezoneve të fundit, por këtë herë niset pas Antetokounmpo dhe Davis.
Lojtari i 6-të - Montrezl Harrell, Dennis Schröder dhe Lou Williams, pjesa më e lehtë ishte përzgjedhja e këtyre të treve si kandidatë. Pjesa më e vështirë është të kuptosh kush do të fitojë. Për trajnerin më të mirë ka shumë kandidatë të fortë, por fituesi do të zgjidhet mes Mike Budenholzer i Milwaukee, Billy Donovan i Oklahoma City dhe Nick Nurse i Torontos. Budenholzer e Donovan kanë ndarë çmimin e dhënë nga shoqata e trajnerëve, një çmim i vendosur nga votat e kolegëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.