Gadishulli i Ballkanit po ndikohet nga forcimi i presionit të lartë atmosferik duke sjellë stabilitet të pjesshëm të kushteve atmosferike në territorin e Shqipërisë gjatë fundjavës.
Ditën e sotme (e premte) moti do të jetë me kthjellime dhe vranësira të pasuara nga reshe shiu lokale në zonat malore pasdite. Era do të jetë drejtim Veri-Perëndim me shpejtësi 7 m/sek në bregdetin e jugut. Valëzimi do të jetë i forcës 3 me lartësi vale 0,5 deri në 1,0 metër në det të hapur. Temperaturat do të jenë me rritje.
Temperaturat minimale dhe maksimale:
Zona malore 17/30°C
Zona e ulët 18/35°C
Zona bregdetare 22/34°C
E Shtunë, data 27 Gusht 2022
Moti do të jetë me kthjellime dhe vranësira mesatare të pasuara nga reshe shiu në zonat malore pjesërisht në zonën qendrore edhe në kryeqytet pasdite. Era do të jetë drejtim Jug-Perëndim me shpejtësi 7 m/sek në bregdetin e jugut. Valëzimi do të jetë i forcës 3 me lartësi vale 0,5 deri në 1,0 metër në det të hapur. Temperaturat do të jenë me rënie.
Temperaturat minimale dhe maksimale:
Zona malore 17/29°C
Zona e ulët 19/33°C
Zona bregdetare 22/31°C
Meteorologe: Rezarta Xhakollari
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
