.png)
Gazeta Si - Një grua shqiptare është arrestuar në aeroportin e Stambollit në Turqi, pasi është kapur me një sasi prej mbi 3 kg ar me vlerën e rreth 5 milionë lirave.
Përveç kësaj, në çantën e gruas, e cila e kishte fshehur në një brez rreth belit në trup, janë gjetur një sasi bizhuterish.
Policët turq nuk u kanë besuar syve teksa kanë peshuar sasinë e arit që mbante me vete shqiptarja Fatime Reçi kur u ndalua dy ditë më parë në aeroportin e Stambollit.
#İstanbulHavalimanı'nda #Arnavutluk vatandaşı Fatime Reçi isimli kadının karnına #göbek görünümü vermesi için yerleştirilmiş çantadan kilolarca #altın, kol saatleri ve sikkeler ele geçirildi. pic.twitter.com/zLDowg7HhC
— Türkiye Kent Haber (@turkiyekenthabr) February 10, 2022
Asaj iu kapën dy lingota ar me peshë totale 3.1 kilogram; një numër i madh byzylykësh ari dhe 17 ora të shtrenjta.
Autoritetet dyshuan menjëherë pasi e panë gruan, sepse çanta që kishte varur në pjesën e barkut peshonte shumë.
Pasi e kanë ndaluar dhe i kërkuan që të hapte çantat, policët bllokuan të gjithë sasinë e arit dhe orave të shtrenjta.
E gjithë ajo që Fatime Reçi mbante në çantën e saj ka një vlerë totale prej 5 milionë lira turke ose rreth 370 mijë dollarë amerikan.
Policia sekuestroi sasinë e arit, ndërsa Fatime Reçi është lënë e lirë me kusht nga gjykata turke. Mediat lokale publikuan dhe video e pamje nga operacioni i arrestimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
