.png)
Gazeta Si - Katër të mitur dyshohet se janë autorët që dhunuan muret e kalasë së Lezhës dy ditë më parë. Sipas informacioneve paraprake, të miturit e përdornin oborrin e kalasë për të luajtur me top.
Ndërsa së fundmi, roja i kalasë nuk i ka lejuar që të futen pa prerë biletat. Katër të miturit, nga mosha 13 deri në 15 vjeç, kanë gjetur rastin kur në zyrën e informacionit nuk ndodhej njeri dhe kanë rrëzuar gurët e mëdhenj nga muret e kalasë, të cilët janë përplasur në tokë.
Të miturit janë marrë në pyetje në komisariatin e policisë së Lezhës në prani të psikologut dhe më pas janë lënë të lirë.
Ata kishin filmuar njëri-tjetrin duke dëmtuar Kalanë dhe kishin bërë video me telefonat e tyre celularë. Specialisti i Monumenteve të Kulturës, Ded Margjoni tha se dëmi është i konsiderueshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
