Gazeta Si - Mijëra besimtarë myslimanë kanë falur mëngjesin e të hënës namazin e Fitër Bajramit në sheshin ‘Skëndërbej’.
Mijëra të tjerë e kryen ritin fetar në sheshe e xhami kudo në qytetet dhe fshatrat e Shqipërisë. Ceremoni madhështore u zhvilluan në mjaft qytete të Shqipërisë si në Elbasan, Vlorë, Shkodër, Durrës etj.
Festimet e Bajramit filluan që në orët e para të mëngjesit.
Festa e Bajramit vjen pas 30 ditësh agjërim në muajin e Ramazanit. Falja e këtij mëngjesi u mbajt sërish nga kreu i Komunitetit Mysliman, Bujar Spahiu. Pas faljes, besimtarët iu drejtuan ambienteve të tyre të banimit për të vijuar me kremtimet e kësaj dite.
Mesazhi i faljes së sotme iu dedikua dashurisë edhe solidaritetit ndaj të pamundurve dhe kjo njihet edhe si dita e dhurimit.
Edhe këtë vit besimtarët nuk arritën që faljen e tyre ta bëjnë në xhaminë e madhe të Namazgjasë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.