.png)
Një tjetër polemikë me protagonist Novak Gjokoviç sapo ka shpërthyer. Tenisti serb gjithmonë bën që të flitet për të, jo vetëm për atë që bën në fushë. Ai ka përfunduar në qendër të një debati, pas një fotoje të publikuar ditët e fundit, saktësisht më 18 shtator.
Gjokoviç po bën disa ditë pushime në Bosnjë-Hercegovinë, ku është fotografuar në shoqërinë e një prej ushtarëve që kanë marrë pjesë në gjenocidin e Srebrenicës, një nga episodet më dramatike dhe më të përgjakshme të luftës në Bosnjë, ku humbën jetën më shumë se 8000 boshnjakë.
Bëhet fjalë për Milan Joloviç, ish-komandant i një njësie ushtarake të njohur me emrin “Drina Wolves” (ujqërit e Drinës), që ka marrë pjesë në atë masakër dhe që nuk është dënuar për krime lufte. Fotoja e tij me Novak Gjokoviç ka shkaktuar polemika të mëdha në Ballkan, ku tenisti ka qenë shumë i kritikuar edhe qershorin e kaluar, pas festave të “Adria Tour” pa respektuar rregullat në mes të pandemisë.
Novak Gjokoviç është bërë protagonist edhe herë të tjera, sidomos për qëndrimin me personazhe që njihen për qëndrimin e tyre kundër Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
