.png)
Ndryshe nga tre ditë më parë, në ditën e katërt të protestës të thirrur sërish përmes rrjetesh sociale, protestuesit kryesish të rinj në moshë nuk kanë ndaluar para kryeministrisë, por marshuan drejt Bulevardit “Dëshmorët e Kombit”.
Ata nuk ndalën as para Ministrisë së Brendshme duke marrë rrugën e Myslim Shyrit drejt Drejtorisë së Policisë ku gjatë rrugës pati do hedhje kapsollash, prishje tabelash, thyerje xhamash, por në sasi shumë më të vogël se ditët e tjera. Këto veprime janë kryer kryesish nga minorenë, ndërsa protesta ka qenë shumë më pak agresive se ditët e tjera.
Policia ka shpërndarë në çdo nyje të Tiranës gaz lotsjellës dhe topa me ujë, duke mos lejuar asnjë moment grumbullime.
Policia, ndryshe nga ditët e tjera, ka zotëruar rrugët kryesore te kryeqytetit.
Gjatë mbrëmjes të së shtunës ka pasur shumë shoqërime, kontrolle të shumta nga ana e Policisë në çdo rrugice që lidh rrugët kryesore të Tiranës duke mos lejuar asnje grumbullim para institucioneve kryesore ne vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
