.png)
Gazeta Si - Një objekt në Jalë të Vlorës, i cili përdorej si kamp veror ku çdo vit mblidhen të rinjtë e Partisë së Lirisë, është përfshirë nga flakët. Sipas informacionit paraprak nga Shërbimi zjarrfikës në Himarë, shkak dyshohet një shkëndijë elektrike.
"Si pasojë zjarri ka përfshirë të katër dhomat që shërbenin si hotel, ndërsa janë shkrumbuar të gjitha pajisjet elektrike. Efektivët zjarrfikës me dy mjete kanë mundur të lokalizojnë e më pas të shuajnë flakët. Godina që shërbente si kuzhinë, bar, restorant dhe 4 dhoma hoteli, ndodhet në Jalë, shumë pranë shëtitores së saj", thuhet në njoftimin e policisë.
Ndërkaq, nuk raportohen njerëz të lënduar vetëm dëme të konsiderueshme materiale
Të rinjtë e PL kalojnë 5 ditë në këtë kamp, ku misioni kryesor është socializimi dhe zbulimi i elementëve që dëshirojnë të spikatin politikisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
