.png)
Gazeta Si - Të paktën 13 automjete janë përplasur në Rrugën e Kombit mëngjesin e kësaj të hëne në afërsi të fshatit Blinisht.
Sipas informacioneve paraprake, si pasojë e aksidentit kanë pësuar lëndime 2 persona, pa rrezik për jetën.
Shkak i aksidentit të shumëfishtë, dyshohet të jenë bërë prezenca e ngricave në rrugë.
Në vendngjarje shkuan forcat e policisë, ambulanca dhe zjarrfikësja. Për shkak të përplasjes së mjeteve, qarkullimi në drejtim të Kukësit u bllokua për rreth 1 orë duke shkaktuar radhë të gjata kilometrike.
Në vendngjarje ndodhet grupi hetimor për të zbardhur ngjarjen. Qarkullimi i mjeteve u bllokua deri në pastrimin e rrugës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
