.png)
Transporti ajror në Itali ka rifilluar me masa të rrepta anti-Covid.
Fluturimi i parë nga Nju Jorku për në Romë në orën 08.00 të mëngjesit të ditës së martë ka qenë krejtësisht i testuar.
100 pasagjerët e fluturimit të linjës Alitalia hipën në avion vetëm pasi dispononin një tampon negativ.
Ata zbritën këtë mëngjes në aeroportin e Fiumicinos duke bërë një tjetër test të shpejtë që shmang karantinën sapo të mbërrijnë në vendin e destinacionit, që në këtë rast është Italia. Pasagjerët e sapo zbritur qëndruan në radhë në një dhomë të posaçme për tu regjistruar për testin e antigenit për të kuptuar nëse janë potencialisht pozitiv ose jo. Ky proces zgjat tridhjetë minuta pritje dhe pastaj kushdo mund të jetë i lirë. Nga kontrolli i udhëtimit të parë nga New York nuk rezultoi asnjë pozitiv mes udhëtarëve.
Ky proces është ende në fazën eksperimentale dhe e konsideruar e përkohshme, por me gjasë do të kthehet në normë për një sektor që do të duhet të merret me Covid-in për një kohë të gjatë…
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje