.png)
Komisioni ndërkombëtar për personat e zhdukur (ICMP) të premten i bëri thirrje familjeve të viktimave të komunizmit që të vizitojnë zyrën e tyre në Tiranë dhe të japin mostra gjaku, që do të shërbejnë për identifikimin e eshtrave të afërmve të tyre.
Kjo deklaratë filloi pasi parlamenti Shqiptar aprovoi marrëveshjen e shumë pritur me ICMP për të filluar procesin e kërkimit.
“ICMP vlerëson ratifikimin e kësaj marrëveshjeje dhe guximin e autoriteteve shqiptare për trajtimin e kësaj çështjeje shumë të ndjeshme nga e kaluara komuniste e Shqipërisë,” tha në një komunikatë për shtyp shefi i programit të ICMP-së Matthew Holliday.
Negocimet për marrëveshjen filluan që në marsin e vitit të kaluar. Komisioni parashikon se ka dy zona të njohura për mbetjet e epokës komuniste, një pranë Tiranës dhe një tjetër afër një kampi përqendrimi i cili ndodhej në Ballsh.
Historianët vazhdimisht tregojnë, se gjatë 45 viteve të sundimit komunist, një numër i panjohur i shtetasve shqiptarë u ekzekutuan dhe varrosën në varrë të pashënuara, ose vdiqën në kampet e përqendrimit.
Rreth 6000 emra të ekzekutuar u identifikuan në fillim të viteve 1990. Lokacionet e vend varrimeve të disa mijëra prej tyre ende nuk janë të njohura. ICMP u ofroi ndihmë autoriteteve shqiptare mbi çështjen në vitin 2010, pasi kërkimi privat i një personi për varrin e të atit të tij zbuloi një varr masiv pranë Tiranës në malin e Dajtit.
Pas kësaj ngjarje qeveria krijoi një komision për të punuar në këtë çështje, por nuk pati asnjë përpjekje sistematike për të trajtuar atë, edhe eshtrat e atyre që u zbuluan në vitin 2010 janë ende të paidentifikuara./Ballkan Insight/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
