.png)
Shtatë persona janë arrestuar këtë të hënë në Fier me akuzën e kultivimit të kanabisit, ku mes tyre është proceduar edhe kryeplaku i fshatit Hamil.
Gjatë kontrollit të ushtruar në fshatin Hamil në stallën në pronësi të personit me inicialet A.H., janë gjetur dhe sekuestruar 60.4 kg kanabis.
Policia ka arrestuar A.H., 42 vjeç, Z.K., 36 vjeç, A.K., 24 vjeçe, F.K., 38 vjeçe, H.K., 60 vjeçe dhe F.K., 34 vjeçe, banues në fshatin Baltëz, të cilët u kapën duke kryer procesin e tharjes së bimëve narkotike.
Gjithashtu u procedua penalisht për veprën penale “Moskallëzimi i krimit”, kryeplaku i fshatit Hamil, shtetasi S.H., 56 vjeç.
Gjatë kontrollit të territorit në këtë fshat, në tokën e mbjellë me misër të E.H., 39 vjeç, u gjetën të kultivuara bimë kanabisi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
