.png)
Gazeta Si- Një aksident me pasojë 4 persona të plagosur ka ndodhur këtë të martë në Fier. Policia bën të ditur se për këtë rast ka arrestuar në flagrancë shtetasin O. G., 26 vjeç, banues në fshatin Dukas.
Sipas policisë, 26-vjeçari në gjendje të dehur në timon, ka humbur kontrollin e makinës dhe është përplasur me një tjetër automjet. Si pasojë e aksidentit kanë mbetur të plagosur 2 drejtuesit e mjeteve dhe dy pasagjerë.
“Specialistët e Sektorit të Policisë Rrugore të DVP Fier arrestuan në flagrancë shtetasin O. G., 26 vjeç, banues në fshatin Dukas, pasi duke drejtuar automjetin tip "Audi", në gjendje të dehur, ka përplasur automjetin me drejtues shtetasin H. A., 22 vjeç, banues në fshatin Dukas, si dhe një automjet të parkuar në rrugë. Si pasojë e këtij aksidenti janë dëmtuar drejtuesit e 2 automjeteve, shtetasit H. A. dhe O. G., si dhe 2 pasagjerë, shtetasit Y. Sh., 25 vjeç dhe A. N., 27 vjeç, të cilët jashtë rrezikut për jetën”, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
