.png)
Publikimi i fanellave është një pjesë shumë e pritur e çdo Kupe Bote.
Dhe fushatat e këtij viti nga dy prodhuesit kryesorë të fanellave- Adidas dhe Nike- shënojnë një ndryshim të dukshëm nga garat e mëparshme, duke paraqitur më shumë koleksione të frymëzuara nga veshjet e rrugës sesa pantallona të shkurtra, çorape dhe këpucë sportive tradicionale të futbollit.
Të frymëzuara nga kultura e futbollit brenda dhe jashtë fushës, koleksionet përziejnë klasiket e arkivit me elementët kryesorë të veshjeve të rrugës.
Nike lançoi fanellat e saj të Kupës së Botës në shtëpi me një film të shkurtër të denjë për Hollyëood-in me lojtarë yje, përfshirë Virgil van Dijk, William Saliba dhe Cole Palmer, të cilët reklamojnë fanellat e tyre me pantallona të gjata, xhinse dhe atlete.
Adidas shkoi një hap më tej kur lançoi fanellat e saj në Los Angeles. Personazhe të famshëm, përfshirë Kendall Jenner dhe Damson Idris, i stilonin fanellat e tyre me pantallona të gjera dhe xhinse të grisura.
“Është një mënyrë për t’u treguar tifozëve si t’i veshin fanellat edhe në jetën e përditshme, jo vetëm në një ndeshje”, thotë menaxheri global i Adidas, Sam Handy.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje